概況:近期興起的HOUSE101搵樓平台提供香港樓盤全面資訊。樓盤資訊由專業地產代理(經紀)提供,迅速可靠。平台功能全面,無論上車盤,車位,新盤以及放盤功能齊備,為你提供所需資訊。同期推出APS101,為地產代理提供強大物業代理功能及全新佣金模式。

地產革新派人士余韋達(Pierre)在4年前,聯同4位在美聯打拼十多年的好兄弟聲援被逼迫的大佬,被稱「美聯六子」,儘管明知敗陣,仍義無反顧地奮戰到底。炒了!慘了?他說:「人對眼生喺前面」是上天的啟示,叫人永不回望。螫伏一年,轉戰Q房網東山再起。巔峰時期他管理4間分行帶領50人,然而去年他突然裸辭。「我94年入行5,000蚊底薪,今日如果唔係最低工資可能仍然都係5,000蚊」,行業老化,加上舖租蠶食利潤。伙拍兩位投資者合資千萬元,開辦網上搵樓平台HOUSE101及APS101。通過自家網上平台方式,為代理及用家減省舖租及時間成本,且不須瓜分代理一分一毫,改以年費形式,可定義為全新的地產經紀佣金制度。他強調,地產經紀不會被時代淘汰,因為「經紀係買賣中間嗰個潤滑劑」。

經紀搵食 其實艱難

2014年農曆新年前,美聯港島區董事楊永健突然被炒,5位聲援他的前線主管亦被炒魷,余韋達是其中一位。但並無磨滅他的決心。他回憶道「做人唔可以忘本,有啲義氣囉!」,「預咗失敗添,老套啲講唔一定為五斗米折腰嘅。真係試過拋頭顱灑熱血去做一件事嘅時候,老咗可以好多嘢同啲仔女講番。有時錢係重要,不過友情都重要。」

他又提到「好多人將我哋嗰個(經紀)收入曲解咗啦,譬如一個經紀開咗張單一百萬,佢淨袋30萬呀!個個月搵30萬好犀利呀!但記住喎,嗰張單可能係佢過往一年唯一一張,除返月薪都係兩萬零蚊。係呀,2007年高峰期,真係每月搵幾十萬,但講緊十年一遇……而且嗰段時間唔係個個捱得住,三個月冇放假,日以繼夜一擘大眼就做做做做到好攰就瞓覺,呢啲生活都唔係個個頂得住囉!真係好天斬埋落雨柴,但如果唔好彩遇到好大雨,啲柴好大碌都會慢慢燒埋。」

當時仔細老婆嫩,但他深信:「無諗過行咗出去就無收入,世界唔係即刻玩完。」有無後悔過當年的抉擇?「冇,點可以成日望返過去做錯咗啲乜。人對眼生喺前面,你個頭唔可以擰去後面,原因係乜?上天畀咗提示你,你要向前望,唔可以望返轉頭。」

不甘行業守舊 自建香港樓盤租售平台

被美聯炒後,曾打算過檔中原地產、利嘉閣,但最終選擇跟多年好兄弟齊加盟Q房網,重返昔日山頭北角,高峰期掌管4間分行管約50人,然而去年突然裸辭,他指:「2015至17年啲舖租貴到嚇死人,唔可能不斷掟錢搶舖,一間舖四、五十萬租喎,一個月眨下眼就過,每日淨租金講緊幾萬蚊喎,係咪每日返到幾萬蚊生意返嚟呢!」

Q房網要求新思維,日諗夜諗諗到一日靈光一閃,覺得行之多年的地產經紀佣金制度已經過時。於是去年與兩位朋友合資逾千萬元,花近一年籌備這個名為「HOUSE101」香港樓盤租售平台及「APS101」地產代理系統。「我94年入行5,000蚊底薪,去到今日如果唔係有最低工資可能仍然係5,000蚊。地產代理喺香港有四、五十年歷史,對地產經紀底薪加佣金的方式五十年不變喎?今時今日你仲會唔會劃火柴呢?火柴係冇人用囉!」

他愈講愈有火:「你話你哋羨慕緊地產代理搵好多錢,其實真係搵到錢嘅地產代理可能佔20至25%,七成人收入都係普普通通,甚至係最bottom嗰堆,根本係搵唔到錢,收入係貧窮線以下嘅!佢開唔到單,五、六千蚊一個月,唔好講理想啦,開飯都成問題啦,佢哋唔努力?唔識開單?其實係做到嘢㗎喎!」

他認為,行業老化,拆佣有問題,無奈經營代理行成本高。他舉例,促成一宗2萬元的租賃成交,在大型代理行,經紀個人實收2,500元,促成一宗500萬元物業買賣成交,如果收取佣金約10萬元,一般二八分賬,經紀個人收取約1.95萬元,達到某個額度才跳分成,一般拆賬前佣金逾30萬元才可以做到三七分賬。「無辦法,成本問題,公司拆咗三成畀你,無乜幾多剩,除咗去管理層,好多去咗租金、後勤、宣傳廣告、燈油火蠟呀,全部都係錢。」

講到「House101」的過人之處,他強調平台最終目標,就是要將地產代理線上化,將過去大行提供嘅支援配套,全部放上平台,「我哋幫經紀搵盤搵客,提供佢哋需要嘅資訊。之後佢做到嘅單,100%佣金自己袋哂,唔需要再同人瓜分,真正多勞多得。」

他強調,有別於現有放盤平台,「坊間只係放盤平台,經紀畀錢放盤吸客,線下時唔會有支援。」他續稱:「我聽過好多投訴,業主畀幾百蚊放盤後,離譜到深圳嘅經紀打電話叫佢上去深圳睇樓,即係業主會收到好多唔同嘅人打電話畀佢。仲有啲仲離譜,就係其他行業嘅sales cold call。」他力挺平台下設APS101地產經紀系統,邀請本港持牌經紀加入,向每名申請人收取年費3,800多元,幫經紀搵盤、搵客。業主方面暫不收費,免費放盤,因應個人喜好選擇各區經紀。

經紀難被時代淘汰

然而網上物業平台就是標榜助買賣雙方慳佣,欲取代甚至淘汰經紀,而他卻創立一個以經紀為核心的放盤平台。他反問:「你搵到個盤,你搵到個客,各自搵雙方律師咁去傾咗佢?呢個係一廂情願嘅諗法,經紀係買賣中間嗰個潤滑劑!你傾唔傾價?點樣傾?你哋係對立人,一個想買高啲,一個想買平啲,點傾得埋冷?業主有脾氣時買家受唔受?邊個將買家狠戾要求盡量減低?我覺得佢哋諗嘢簡單咗囉,經紀角色非常重要,無佢哋,你啲單刁根本連傾價都傾唔埋欄。」

他覺得經紀好重要,新平台剛落地,業主放盤及經紀入會數字都未有,自覺本港經紀未必好快接受新經營模式,但創業就是要勇於嘗試,預期首年如果返部分成本,甚至乎收支平衡已經唔錯!

創作者介紹
創作者 alongwonder 的頭像
alongwonder

alongwonder的部落格

alongwonder 發表在 痞客邦 留言(0) 人氣()